Noeli i vogël është rritur nëpër dyert e spitaleve që kur ka ardhur në jetë. Është vetëm 3 vjeç, por shëndeti i tij është shumë në rrezik. Ka pësuar trombozë në venën e gjakut të mëlçisë dhe ka nevojë të menjëhershme për kryerjen e transplantit të mëlçisë. E dëshpëruar nëna e tij, Erta çdo ditë drejton veç një lutje drithëruese: “O Zot mos ma merr këtë ëngjëll, ma shpëto!”
Një histori tepër e dhimbshme që ka nevojë urgjente për ndihmën e të gjithë njerëzve. Operacioni kushton 70.000 euro, një shumë e cila për familjen është e pamundur të arrihet.
Noeli duhet të shkojë sa më shpejt jashtë vendit, ku edhe mund të zhvillohet ndërhyrja, pasi koha për atë nuk pret më. Gjendja e tij është duke u përkeqësuar dhe çdo minutë që kalon mund të jetë fatale për 3-vjeçarin.
Nevojitet kontributi i secilit prej jush, në mënyrë që të shpëtojmë vogëlushin Noel, lotët e të cilit të thyejnë zemrën. Të bashkohemi të gjithë dhe të dhurojmë një jetë.
Bamirësia nuk të varfëron!
Për të dhënë kontributin tuaj, klikoni këtu.