Arbër Hajdari – Themelues/ Drejtor Ekzekutiv

Arbër Hajdari Arbër Hajdari ka lindur në Tiranë, më 16 shkurt 1994. Ai është themelues i nismës më të madhe sociale në Shqipëri, Fondacionit “Fundjavë Ndryshe”, e cila synon të përmirësojë shoqërinë, duke ndihmuar njerëzit në nevojë të dalin nga varfëria dhe duke udhëhequr të rinjtë drejt realizimit të veprave të mira. Hajdari është diplomuar me rezultate shumë të mira në Drejtësi, si dhe në studimet pasuniversitare.

Emina Çunmulaj- COO/ Anëtare Bordi

Modele. Modelja e mirënjohur me origjinë shqiptare, ka lindur në Michigan të Amerikës më 12 Shtator 1984. Ajo është një nga modelet më të famshme në Amerikë dhe jo vetëm. Që prej vitit 2017 jep kontributin e saj në kauzat e Fondacionit “Fundjavë Ndryshe” si COO dhe anëtare e bordit.

Ermal Mamaqi- Anëtar Bordi

Aktor, Humorist, Këngëtar. Ka lindur në Tiranë, më 21 mars 1982. Është drejtues i disa prej emisioneve më të suksesshme në Shqipëri. Që prej vitit 2017 është mbështetës dhe kontribues në nismat e “Fundjavë Ndryshe” si anëtar bordi.

Saimir Kristo- Anëtar bordi

Arkitekt, Pedagog. Ka lindur në Tiranë më 1 Shtator 1987. Që nga viti 2011 ai jep kontributin e tij si pedagog dhe Zëvendës-Dekan në degën e arkitekturës. Që prej vitit 2015 është anëtar bordi i Fondacionit “Fundjavë Ndryshe” duke mbështetur kauzat dhe nismat e tij.
.

Agim Baci- Anëtar Bordi

Publicist dhe kritik letrar. Ka lindur në Durrës më 14 Shtator 1971. Prej vitesh jep kontributin e tij në shoqërinë shqiptare përmes artit të letërsisë dhe kritikës letrare. Ai është anëtar bordi në Fondacionin “Fundjavë Ndryshe” që në vitin 2015.
.

Flori Karaj-Anëtar Bordi

Publicist, Opinionist. Flori KARAJ, lindur në Librazhd më 22 Mars 1953, jep kontributin e tij në shoqërinë shqiptare prej disa vitesh si opinionist, publicist dhe si anëtar bordi në “Fundjavë Ndryshe” që prej vitit 2015.

Florjan Binaj-Anëtar Bordi

Aktor. Florjan Binaj është një aktor i mirënjohur i humorit, i lindur në Tiranë më 12 Tetor 1985. Që prej 13-vjetësh është një nga aktorët veteranë të varietesë së mirënjohur televizive i cili studimet i ka ndjekur në një tjetër fushë të artit, atë të pikturës. Prej vitit 2017 ai jep kontributin e tij si anëtar bordi në Fondacionin “Fundjavë Ndryshe”.

                            Orgest Beti- Koordinator i Përgjithshëm

Orgest Beti, lindur në Elbasan, jep kontributin e tij si Koordinator i Përgjithshëm i Fondacionit “Fundjavë Ndryshe” që prej Prillit të vitit 2019. Ai gëzon një përvojë dhe eksperiencë si koordinator duke qenë se ka qenë i tillë edhe për qytetin e Elbasanit, prej 3 vitesh. Beti është përgjegjës për koordinimin dhe implementimin e veprimtarive të “Fundjavë Ndryshe”. Studimet pasuniversitare i ka kryer në fushën e Marketingut.

Anxhela Ferra- Marrëdhënia me publikun

Anxhela Ferra, lindur në Fier, ka përfunduar studimet e larta për Gazetari dhe Shkenca Komunikimi në Universitetin e Tiranës. Ajo zotëron eksperiencë në fushën e gazetarisë prej vitit 2016-të. Prej Prillit të vitit 2018-të është pjesë e fondacionit “Fundjavë Ndryshe” si përgjegjëse për realizimin e apeleve, intervistave, publikimin e lajmeve, si dhe komunikimin me mediat.

Agron Mecini –Magazinier

Agron Mecini, lindur në Tiranë, është përgjegjës i Kapanonit të Magazinimit të Qendrës së Solidaritetit “Fundjavë Ndryshe”. Në rolin e tij si magazinier ai merret me hyrjen dhe daljen e ndihmave të ndryshme, në bazë të nevojave dhe veprimtarive të Fondacionit.

Alban Rrapushi- Operator -Kamera

Alban Rrapushi, lindur në Tiranë, punon që prej vitit 1994 si kameraman, në evente dhe aktivtete të ndryshme. Që prej Janarit të vitit 2020, i është bashkuar edhe “Fundjavë Ndryshe” si operator në aktivtetet e fondacionit.
.

Shyqyri Visha – Area Coordinator

Shyqyri Visha, lindur në Tiranë, jep kontributin e tij tek “Fundjavë Ndryshe” si koordinator terreni. Që prej Janarit të vitit 2020, ai i është bashkuar grupit të terrenit duke bërë shpërndarjet e ndihmave për familjet në nevojë në të gjithë Shqipërinë.

Robert Ukaj

Mia Memedi

Majlinda Sulejmani