Sonjela Ymerllari, 13-vjeç, ia ka dalë me sukses me ndërhyrjen kirurgjikale në Turqi. Ajo tashmë është kthyer me familjarët e saj në Shqipëri pas rikuperimit. Familjarët tejet të entuziasmuar për ndërhyrjen që shkoi sipas pritshmërive, kanë një sërë falenderimesh në shenjë mirënjohje.
Sonjela Ymerllari nga fshati Alarup i rrethit të Pogradecit, vuante nga skolioza, me ndryshime të funksionit nervor të anësive të sipërme dhe të poshtme. Sëmundja i kishte avancuar në 95% të saj, duke i prekur çdo organ, e duke i rrezikuar jetën.
Rasti i publikuar nga “Fundjavë Ndryshe” mori vemendjen e donatorëve. Më konkretisht, “Top Channel” mori përsipër dhurimin për operacionin e Sonjelës, duke i dhënë mundësinë e rikthimit drejt normalitetit.