Më shumë se 1 vit më parë, Klaudia dhe Amarildo humbën babain e tyre prej një sëmundje të rëndë. E prej asaj dite të tmerrshme, mbijetesa është bërë thuajse e pamundur për familjen Tragjini. Jetojnë në fshatin Valth në Gramsh në kushte të mjerueshme, ndërsa shtëpia rrezikon të shembet.
Mes dhimbjes për humbjen e bashkëshortit dhe frikës për të nesërmen e fëmijëve, Margarita është krejt e vetme. Mbijetojnë vetëm me një ndihmë ekonomike prej 36 mijë lekësh të vjetra, të cilat nuk mjaftojnë as për nevojat minimale.
Dy fëmijët janë ende shumë të vegjël, por nuk ndjehen si bashkëmoshatarët e vetë. Për ata problemet kanë nisur shumë herët. Ndonëse janë vetëm 12 dhe 14 vjeç, i duhet të mendojnë për të siguruar bukën e gojës. Ndërsa çdo natë shtrihen me frikën se shtëpia do t’i zerë poshtë. Kushtet në të cilat këta fëmijë po rriten janë çnjerëzore e me dhimbje ata luten për ndihmë.
Bamirësia nuk të varfëron!
Për të dhënë kontributin tuaj, klikoni këtu.