Pak ditë më parë, mamaja e Ambrës lutej për të shpëtuar vajzën e saj të vogël. Nëpërmjet një video-mesazhi ajo i bënte thirrje gjithë shqiptarëve për ndihmë, pasi familja nuk kishte mundësi të përballonte operacionin e foshnjes.
Lutjes së kësaj nëne iu përgjigjën menjëherë bamirësit shqiptarë në të gjithë botën. Në kohë rekord u arrit të mblidhej shuma e nevojshme për operacionin e Ambrës. Vogëlushja pritet që të kryejë ndërhyrjen brenda pak ditësh. Ndërsa e ëma e saj falenderon të gjithë shqiptarët që i dhanë shpresë vajzës së saj.
Ambra është vetëm 5 muajshe, por u diagnostikua me një sëmundje të rëndë në tru (e njohur edhe “uji në tru”). Gjendja e saj ishte shumë kritike dhe i duhej të kryente një ndërhyrje kirurgjikale urgjente. Në të kundërt i rrezikohej jo vetëm dëmtimi i trurit dhe humbja e aftësive mendore e fizike, por fatkeqësisht edhe jeta.
Bamirësia nuk të varfëron!
Për të dhënë kontributin tuaj për kauzat e “Fundjavë Ndryshe”, klikoni këtu.