Rasti i Behares së vogël preku zemrat e shqiptarëve, 4-vjeçarja me lot në sy kërkonte ndihmë. Menjëherë pas publikimit të rastit, të shumta kanë qenë edhe reagimet e njerëzve. Pasi “Fundjavë Ndryshe” nisi fushatën, u arrit që në një kohë të shkurtër të mblidhej shuma për kryerjen e operacionit të Behares.
Që në lindje ajo kishte një anomali në fund të shpinës, e cila është duke i shkaktuar edhe shumë komplikacione të tjera. Vuan nga një sëmundje e rrallë, e cila i ka dëmtuar edhe veshkat. Ndërsa gjendja shëndetësore sa vjen e i përkeqësohet.
“E regjistrova në kopësht, nuk e çova asnjë ditë sepse kam frikë se mos sëmuret atje. Çdo ditë më thotë, o mami pse nuk më çon mua në kopësht. E vë çantën që i kam blerë dhe ecën nëpër shtëpi. I kam larë spitalet me lot, sipas doktorëve është rast shumë i komplikuar,”rrëfente e ëma Enkeleda.
Themeluesi i “Fundjavë Ndryshe” njoftoi me anë të një postim në rrjete sociale, se shuma e nevojshme prej 12 mijë eurove është realizuar. Ditën e shtunë (26 dhjetor) pritet që Beharja të niset drejt Turqisë, ku do t’i nënshtrohet operacionit, e cila është një ndërhyrje shumë e vështirë.
Bamirësia nuk të varfëron!
Për të dhënë kontributin tuaj për kauzat e “Fundjavë Ndryshe”, klikoni këtu.