Gjesoni i vogël nga Sukthi preku të gjithë njerëzit me historinë e tij. 2-vjeçari i prekur nga sëmundja e skolizoës kishte nevojë urgjente për operacion, por familja e kishte të pamundur të siguronte të ardhurat. Pak pas publikimit nga “Fundjavë Ndryshe” të apelit drithërues, të shumtë ishin njerëzit që donin të ndihmonin. Në pak kohë u arrit që të mblidhej edhe shuma e nevojshme për kryerjen e ndërhyrjes kirurgjikale të Gjesonit të vogël.
Lajmin e mirë e dha drejtuesi i “Fundjavë Ndryshe”, Arbër Hajdari, i cili shprehu mirënjohjen për të gjithë njerëzit që iu bashkuan thirrjes për ndihmë të familjes Ruçi. Hajdari shtoi se një ndihmë të jashtëzakonshme e ka dhënë një bamirës i cili jeton jashtë shtetit. Ndonëse kërkon të mbetet anonim, ai dhuroi 24.000 euro për Gjesonin, të cilat plotësuan edhe shumën prej 30.000 eurosh, që kushton operacioni i 2-vjeçarit.
Gjesoni është nisur ditën e sotme (8 shkurt) drejt Turqisë, ku pritet shumë shpejt që të kryejë ndërhyrjen kirurgjikale. Faleminderit çdo bamirësi!
Bamirësia nuk të varfëron!
Për të dhënë kontributin tuaj për kauzat e “Fundjavë Ndryshe”, klikoni këtu.