Melek sapo ka mbushur 1 vjeçe, por jeta për atë është shumë e vështirë. Vuan nga një sëmundje e rëndë e quajtur spina bifida, e cila i ka deformuar shtyllën kurrizore dhe këmbët. Një fëmijë i qeshur, ndonëse dhimbjet sa vijnë edhe i përkeqësohen e shëndeti i saj ishte në rrezik.
Vogëlushja ka nevojë për kryerjen e një operacioni jashtë vendit, i cili kushton 15.000 euro. Por, kjo shumë ishte e paimagjinueshme për prindërit e Melekut. Ndonëse ishin munduar të mblidhnin të ardhura dhe me anë të borxheve, sërish nuk mund ta përballonin shërimin e Melekut.
Thirrjes së tyre për ndihmë iu bashkua fondacioni “Fundjavë Ndryshe” dhe në një kohë të shkurtër u morr edhe lajmi i bukur. Shuma e nevojshme u arrit dhe Melek shumë shpejt do të niset jashtë Shqipërisë, për t’iu nënshtruar ndërhyrjes.
Mirënjohje e jashtëzakonshme për çdo bamirës që iu bashkua thirrjes nga “Fundjavë Ndryshe” dhe dhuroi shpresë për shpëtimin e Melekut të vogël!
Bamirësia nuk të varfëron!
Për të dhënë kontributin tuaj për kauzat e “Fundjavë Ndryshe”, klikoni këtu.