Mbrëmjen e 13 shtatorit ka startuar emisioni më i ri “Historia e Fundjavës”. Siç edhe drejtuesi i “Fundjavë Ndryshe”, Arbër Hajdari më parë ka lajmëruar, puntata është shoqëruar me emocione, por edhe lot gëzimi. Në të janë prezantuar disa histori të rrëfyera nga njerëz të ndryshëm, jeta e të cilëve tashmë ka ndryshuar.
Po ashtu është prezantuar edhe historia e Xhensidës, e cila bën apel për ndihmë. 10-vjeçarja ka lindur me skoliozë, një sëmundje që sjell deformimin e shtyllës kurrizore, dhe që me kohën rëndohet duke i vënë jetën në rrezik. Për shkak të kushteve të vështira ekonomike në të cilat familja e saj ndodhet, Xhensida e ka të pamundur të kurohet.
Xhensida është 8 vjeç dhe jeton me familjen e saj në fshatin Kërpicë, në Gramsh. Ajo ka lindur me skoliozë, një sëmundje…
Gepostet von Fundjavë Ndryshe am Sonntag, 13. September 2020
“Doktorët më kanë thënë se nëse nuk bëhet tani operacion, goca mund të përfundojë në karrige me rrota. Nuk do e doja më jetën, se nuk e shoh dot kështu kurrizin e gocës. Kam më tepër se 3 vite që nuk e kam çuar gocën as për vizitë, sepse nuk kam mundësi,” rrëfen Jonida, e ëma.
E vetmja shpresë e saj është një ndërhyrje kirurgjikale jashtë vendit. Por, koha nuk është në favorin e saj, pasi çdo ditë që kalon është një mundësi më pak për tu shëruar. Pas analizave dhe konsultave që “Fundjavë Ndryshe” zhvilloi, një spital në Turqi njoftoi se kjo ndërhyrje kushton 17 mijë euro.
Edhe pse gjendja e Xhensidës është shumë e rënduar, ajo sërish ka shpresë se ne do ta ndihmojmë t’ia dalë. Pasi ajo shpreson tek unë, tek ti, tek të gjithë ne!
Bamirësia nuk të varfëron!
Për të dhënë kontributin tuaj për kauzat e “Fundjavë Ndryshe”, klikoni këtu.