4-vjeçarja vuan nga mungesa e oksigjenit në tru, familjarët kërkojnë ndihmë

Rohelia Llanaj është një tjetër rast i rëndë i trajtuar nga “Fundjavë Ndryshe”. Vajza 4-vjeçare nga Tepelena, ka mungesë oksigjeni në tru, duke ndikuar në shëndetin e saj.

Rohelia ka binjaken e saj e cila ka lindur shëndoshë e mirë. Binjakia e saj nuk e ka lejuar që të zhvillohet plotësisht, pasi ajo ka marrë të gjithë ushqimin e nevojshëm nga nëna.

Për fat të keq, ajo nuk lëviz dot, nuk qëndron dot në këmbë, nuk ri dot ulur. Po kështu, vuajtjet shtohen edhe më tej, pasi e ka të pamundur që të ushqehet vetë, e ndërsa komunikimi me familjarët është i pamundur pasi ajo nuk flet.

Të gjithë shërbimet ia kryejnë familjarët e saj. Një spital në Itali e ka pranuar si rast humanitar atë të Rohelia Llanajt.

Vajza do të kryejë një terapi 5-vjeçare në një spital në Itali, por shpenzimet e familjarëve janë të larta. Ndaj ata kërkojnë ndihmën e shqiptarëve, për të hequr shpenzimet e qëndrimit në Itali.