“Më ndihmoni të shërohem dhe unë….”, 6-vjeçarja “shtrin dorën” për ndihmë

“Më ndihmoni të shërohem dhe unë….” Këto janë fjalët e trishta e të dhimbshme të Bleonës 6 vjeçare.

Si pasojë e një leuçemie të rrallë Bleona është në luftë për jetën, e ndryshe nga shoqet e saj tik-tak-et e orës për të janë këmbana alarmi, se nga momenti në moment mund të mos jetë më në gjëndje të përqafojë nënën dhe vëllezërit e saj.

Për Bleonën duhen një sërë trajtimesh. Ajo duhet të nisë mënjëherë kimioterapinë e specializuar dhe më pas trasplantin e palcës së shtyllës kurrizore. Trajtime të cilat kanë një vlerë prej 110.000 € e për të cilat duhet ndihma e çdo shqiptari.

Që Bleona t’ia dalë duhet të jemi të gjithë bashkë! Vetëm bashkë do ia dalim që Bleona e vogël ti rikthehet jetës së saj normale!

Lutemi të na bashkoheni për të ndihmuar Bleonën e vogël që e do jetën kaq shumë!