| Contact Us: +355 68 808 9999

Ushqime dhe lodra, “Fundjavë Ndryshe” ngroh festat për njerëzit në nevojë!

Në prag të përfundimit të një viti të vështirë për të gjithë, “Fundjavë Ndryshe” vijon me misionin e vetë. Prej muajit mars ka nisur shpërndarja masive e ndihmave për familjet në nevojë në të gjithë Shqipërinë. Duke shkuar në çdo qytet dhe fshat të vendit, për të dhënë pako ushqimore dhe produkte të higjienës si sapunë, detergjentë, desifektantë.

Në vigjile të festave fondacioni vijon të kryejë aktivitete të shumta për të qenë pranë çdo nevojtari. Kësaj radhe ndalesa ishte në Përmet, ku “Fundjavë Ndryshe” dërgoi ndihma ushqimore të dhjetëra familje me nevoja emergjente. Shpërndarja do të vijojë edhe në qytete të tjera, pasi, tryeza e asnjë shtëpie nuk meriton të mbetet bosh.

Paralelisht me shpërndarjet e ndihmave, janë duke u zhvilluar edhe aktivitete me në fokus fëmijët. Pasi në fund të ditës ata e meritojnë më shumë të ndjejnë gëzimin e festave. Së bashku me PIK shpk ishim në Qendrën e Zhvillimit Pëllumbat, qendër ku fëmijët me aftësi ndryshe marrin shërbimin e nevojshëm për rehabilitimin psiko-social dhe fizik. Duke shprehur mbështetjen tonë në rrugëtimin e tyre të bukur dhe ndryshe, i dhuruam fëmijëve lodra dhe ju uruam festa të gëzuara!

Bamirësia nuk të varfëron!

Për të dhënë kontributin tuaj për kauzat e “Fundjavë Ndryshe”, klikoni këtu.

Media Contacts

More to explore

Më Shumë