Kontributi ndaj familjeve në nevojë nuk ka të ndalur. Çdo ditë, vullnetarët e “Fundjavë Ndryshe” janë të koordinuar për të shpërndarë pakot ushqimore. Por stafit të “Fundjavë Ndryshe” iu janë bashkuar studentët e Stichting Mara Vindicat nga Groningen i Hollandës.
Këto ditë kanë qenë tejet speciale, ku së bashku kanë përgatitur pakot dhe më tej i kanë shpërndarë kundrejt familjeve në nevojë.
15 familje kanë marrë pakot ushqimore, higjenike dhe plot dhurata për fëmijë, duke dëshmuar se bamirësia nuk të varfëron.
Për familjet, një pako ushqimore është një rizgjim për shpresë se diçka do të ndryshojë. Por edhe për fëmijët ishte një ditë ndryshe, teksa u argëtuan me dhuratat që morën.
“Rikthehen studentët e Stichting Mara Vindicat nga Groningen i Hollandës .
Së bashku i’u gjendem pranë 15 familjeve me pako ushqimore, higjenike dhe plot dhurata për fëmijët.
Kënaqësia që merr kur ndihmon dikë në nevojë është e pazevendësushme. Faleminderit të gjithe donatorëve dhe veçanërisht faleminderit @stichtingmaravindicat për kontributin e tyre.
Ditë të tjera plot surpriza na presin”.