Tërmeti shkatërrimtar i 26 nëntorit 2019 i la pa shtëpi, por tashmë 20 familje në Vaqarr kanë lënë pas këtë ëndërr të keqe, duke jetuar në një lagje që çdo kush do e kishte ëndërruar. Lagjia e re e ngritur në Vaqarr, është pjesë e Programit të Rindërtimit, ku në bashkëpunim me Fondacionin “Fundjavë Ndryshe”, banesat e reja kanë formuar një tjetër lagje model.
Familjarët kanë hedhur themele të shëndosha të një jete të re. Fëmijët kanë krijuar miqësitë e tyre, e po kështu janë përshtatur mësë miri me banesën e tyre të ngrohtë e komode.
Zona është transformuar sa i përket shërbimeve për qytetarët, me shkolla, kopshte dhe ujë 24 orë.