Drejtuesi i fondacionit “Fundjavë Ndryshe”, Arbër Hajdari, është pritur në Vaqarr nga familjarët që ndodhen në banesat e reja, pasi u prekën nga tërmeti.
Të gjitha banesat janë të mobiluara, me të gjitha kushtet.
“Fundjavë Ndryshe” e ka ndërtuar nga e para këtë lagje, për familjet e prekura nga tërmeti. Blloku i ri i banesave sjell edhe një dimension të ri cilësor të jetës komunitare.
Familjet morën një vit më parë çelësat e shtëpive, si një premtim i mbajtur prej tërmetit shkatërrimtar të 26 nëntorit 2019.
Lagjia e re e ngritur në Vaqarr, është pjesë e Programit të Rindërtimit, ku në bashkëpunim me fondacionin “Fundjavë Ndryshe”, banesat e reja kanë formuar një tjetër lagje model.