Fëmijët e familjeve në nevojë nuk kanë ndjerë mungesat e materialeve shkollore dhe çantat, kjo falë ndihmës së pakursyer nga “Fundjavë Ndryshe”.
Edhe këtë vit të ri shkollor, fëmijët kanë marrë paketën bazë, e cila do u vijë në ndihmë. Një ritual i përvitshëm ky, që konkretizohet edhe me buzëqeshjen pafund nga fëmijët e grupmoshave të ndryshme.
Qendra e Solidaritetit “Fundjavë Ndryshe”, ka mirëpritur me dhjetra fëmijë, për t’i pajisur me materialet e nevojshme. Por misioni i “Fundjavë Ndryshe” nuk përfundon këtu. Po kështu do të vijohet me shpërndarjen dhe në zonat e thella.