COVID-19/ Mjeku Pëllumb Pipero falenderon “Fundjavë Ndryshe”

Me hapa të ngadaltë edhe Shqipëria është duke dalë nga gjendja e jashtëzakonshme e shkaktuar nga COVID-19. Dhe prej muajit mars, kur u konfirmuan zyrtarisht edhe rastet e para të të prekurve, sytë ishin te bluzat e bardha. Ata u quajtën heronjtë që luftonin në vijë të parë me virusin e panjohur. Ndaj edhe solidarizimi ndaj tyre ka qenë shumë i rëndësishëm. Për këtë arsye, fondacioni “Fundjavë Ndryshe” veç familjeve në nevojë në gjithë Shqipërinë, i ka qëndruar pranë edhe stafit mjekësor.

Janë shpërndarë më mijëra produkte bazike, si ujë, kroasantë dhe lëngje të ndryshme. Po ashtu, edhe mjete mbrojtëse mjekësore, si përparse etj. Qëllimi i “Fundjavë Ndryshe” në këto ditë të vështira ishte të ndihmojë jo vetëm njerëzit në nevojë, por edhe të gjendej pranë stafit mjekësor.

Pëllumb Pipero, mjek infeksionist pranë QSUT-së falenderon kontributin e dhënë nga fondacioni “Fundjavë Ndryshe”. Duke e cilësuar një ndihmë të nevojshme për kërkesat e shtuara për përballimin e situatës nga koronavirusi.

“Në këtë situatë ishim të gjithë para një armiku të panjohur dhe natyrisht nuk na ka munguar ndihma e institucioneve shtetërore. Por, do të ishin jo plotësisht të mjaftueshme pa solidaritetitin dhe ndihmën e shumë institucioneve të tjera publike dhe jo publike.

Këtu do të doja të vlerësoja ndihmën e pakursyer të ‘Fundajvë Ndryshe’. Pas kontaktit të parë me z.Hajdari na janë gjendur dhe vazhdojnë të na gjenden pranë. Duke dhënë asistencën e tyre jo vetëm për personelin mjekësor, por edhe për të sëmurët. Ndaj, ndihma jo vetëm që ka qenë e mirëpritur, por edhe e nevojshme.”

“Fundjavë Ndryshe” vazhdon me misionin e saj për të  ndihmuar në kalimin sa më të lehtë të kësaj situate të vështirë.

Bamirësia nuk të varfëron!

Për të dhënë kontributin tuaj, klikoni këtu.

Media Contacts

More to explore

Më Shumë