Drejtuesi i fondacionit “Fundjavë Ndryshe”, Arbër Hajdari, i është drejtuar Shkodrës sot ku është takuar me Shoqatën e Para-Tetraplegjikëve. Ai dhe stafi i “Fundjavë Ndryshe” janë njohur me nevojat e tyre, për ti përkrahur.
Sëmundja e këtyre njerëzve ka kosto dhe mungesa e lekëve e bën akoma më të vështirë jetesën e tyre për mbarëvajtjen dhe kontrollin e sëmundjeve, por dhe jetës së tyre familjare.
Në pamundësi për të punuar, pensionet mujore të këtyre invalidëve nuk plotësojnë nevojën e tyre për mjekim të vazhdueshëm, por edhe për të mbajtur familjen. Këta të sëmurë kanë nevojë për përkujdesje nga ana e një familjari, i cili normalisht duhet të jetë i siguruar.