“Fundjavë Ndryshe” ka ndërmarrë nismën për të vijuar me vizitat dhe trajtimet mjekësore ndaj kategorive të familjeve me pamundësi ekonomike. Pas klinikës dentare “Fundjavë Ndryshe”, tashmë ofrohen vizitat dhe trajtimet mjekësore falas. Kujtojmë këtu se prej 1 shtatorit, klinika dentare e Fondacionit “Fundjavë Ndryshe” është e hapur për ata të cilët nuk kanë mundësi të kryejnë shërbimet stomatologjike të fëmijëve të tyre. Por misioni nuk përfundon këtu, pasi pasuria më e madhe është shëndeti. Shumica e njerëzve e kuptojnë vlerën e shëndetit, vetëm kur e humbasin!
“Qendra Shëndetësore “Fundjavë Ndryshe” po vijon me vizitat dhe trajtimet mjekësore të nevojshme falas, për të gjitha kategoritë e familjeve në pamundësi ekonomike.
Shëndeti është baza e mirëqënies, ndaj ndërgjegjësimi i gjithësecilit për parandalimin e sëmundjeve, duke hequr dorë nga veset e dëmshme, si konsumi i duhanit dhe alkoolit, apo kontrolli i vazhdueshëm tek mjeku, është jetik për të pasur një jetë të shëndetshme. Pasuria më e madhe është shëndeti”.