Qendra e Solidaritetit “Fundjavë Ndryshe”, në bashkëpunim me Softup Technologies në vazhdimësi të donacioneve, i janë dedikuar këtë fundjavë fëmijëve jetimë.
Këta fëmijë, të cilëve u mungon ngrohtësia familjare, kanë gjetur përkrahje të pakursyer nga vullnetarët e “Fundjavë Ndryshe”, të cilët i janë gjetur në çdo kohë. Në këto ditë të vështira për mbarë planetin, ku përballemi me pandeminë, 15 familje kanë marrë pakot e nevojshme ku përfshihen ato ushqimore, veshmbathje, pakot e higjienës e çdo gjë që është jetike për ta.
Fëmijët nga “Shoqata Kombëtare e Jetimëve të Shqipërisë” u përballën sot me një surprizë nga “Fundjavë Ndryshe”, duke iu kujtuar se ata nuk janë lënë në harresë të fatit. Vlen të theksohet fakti se Softup Technologies nga postimi i tyre në LinkedIn, kanë grumbulluar një shumë të konsiderueshme, të cilat janë menaxhuar mjaft mirë, për t’iu rikthyer buzëqeshjen e munguar fëmijëve jetimë.